`İlhamə Quliyeva köməkçisini öldürəcəyini deyirdi` - Şahid
17:43 25 Oktyabr 2016
Bu gün Bakı Ağır Cinayətlər Məhkəməsində mərhum xalq artisti İlhamə Quliyevanın köməkçisi Mehriban Hüseynovanın cinayət işi üzrə məhkəmə prosesi davam etdirilib.
Hakim Səbuhi Hüseynovun sədrliyi ilə keçirilən prosesdə Mehriban Hüseynovanın rəfiqəsi Xatirə Ramazanova şahid ifadə verib. O bildirib ki, M. Hüseynova ilə maşında gedən zaman İ. Quliyevanın oğlu Orxan və dostu Vüqar onların qarşılarını kəsiblər: "Deyirdilər, onu öldürəcəklər. Mən də qorxudan siqnal verdim. Bu vaxt İlhamə Quliyeva maşından düşüb gəldi. Bizə dedi ki, siqnalı dayandırmasaq, ikimizi də öldürəcək. Bir gün də Mehriban mənə dedi ki, İlhamə Quliyeva onu bıçaqlayıb".
Vəkilin sualını cavablandıran X. Ramazanova deyib ki, M. Hüseynova heç vaxt İlhamə Quliyeva haqqında pis danışmayıb.
Proses noyabrın 1-də davam edəcək.
Qeyd edək ki, M. Hüseynova Cinayət Məcəlləsinin 29.180.3.2-ci (külli miqdarda soyğunçuluq etməyə cəhd) maddəsinə əsasən ittiham olunur. O, İ. Quliyevanın şikayəti əsasında saxlanılıb.
İ. Quliyeva bu il fevralın 25-də dünyasını dəyişib.
Femida.az
Oxunub: 1911
Oxşar xəbərlər
- `İlhamə Quliyeva mənə bıçaq atdı` - Mehriban Hüseynova (Yenilənib)
- `İlhamə Quliyeva bilirdi, kimə ilişir` – Ruhəngiz Musəvi
- `İlhamə Quliyeva deyirdi ki, mənə cadu ediblər` - Məhkəmədən
- `İlhamə Quliyeva pul təklif etdi ki, həyat yoldaşımı öldürüm`
- `İlhamə Quliyeva dedi ki, telefonunda olan nazir nömrələrini silin`